Roger Penrose, (8 d'agostu de 1931, Colchester) ye un físicu matemáticu natural d'Inglaterra y profesor eméritu de Matemátiques de la Universidá d'Oxford. Ye reconocíu pol so trabayu en física matemática, sobremanera poles sos contribuciones a la teoría de la relatividá xeneral y a la cosmoloxía. Tamién empobinó los sos esfuercios nel ámbitu de les matemátiques recreatives y ye un polémicu filósofu.
Foi escoyíu miembru de la Royal Society de Londres en 1972. Compartió'l Premiu Wolf en Física con Stephen Hawking en 1988 y ganó'l Premiu Aventis en 1990. Foi nomáu Knight Bachelor en 1994.[18]. En 2020 recibió'l Premiu Nobel de Física.
© MMXXIII Rich X Search. We shall prevail. All rights reserved. Rich X Search